ប៉ុស្តិ៍រដ្ឋបាលភ្នំពេញថ្មី ឃាត់ខ្លួនជនសង្ស័យម្នាក់ ករណីប្រើប្រាស់ដោយខុសច្បាប់នូវសារធាតុញៀន
22-May-2018 | ដោយ ពលមនសិការ
ភ្នំពេញ ៖ កាលពីថ្ងៃទី២១ ខែឧសភា ឆ្នាំ២០១៨ វេលាម៉ោង១៦និង០៤នាទី ប៉ុស្តិ៍រដ្ឋបាលភ្នំពេញថ្មី ឃាត់ខ្លួនជនសង្ស័យម្នាក់ ករណីប្រើប្រាស់ដោយខុសច្បាប់នូវសារធាតុញៀន នៅចំណុចមុខសកលវិទ្យាល័យលីកុកវីង តាមផ្លូវ១៩៨៦ ភូមិភ្នំពេញថ្មី សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ។
លោកវរសេនីយ៍ឯក ហួរ ម៉េងវ៉ាង អធិការខណ្ឌសែនសុខបានអោយដឹងថាជនសង្ស័យឈ្មោះ គឹម សុឃឿន ភេទប្រុស អាយុ៣១ឆ្នាំ មុខរបរមិនពិតប្រាកដ ស្នាក់នៅ ភូមិស្រីសំពោង ឃុំខ្ពង់ក្រាំង ស្រុកសំរោងទង ខេត្តកំពង់ស្ពឺ។ សម្ភារៈដកហូត ៖ ម៉ូតូចំនួនមួយគ្រឿង ម៉ាកវេវ ស៊េរីចាស់ គ្មានស្លាកលេខ។
លោកអធិការខណ្ឌបន្តថា កម្លាំងសមត្ថកិច្ចចំរុះរបស់អធិការដ្ឋាននគរបាលខណ្ឌសែនសុខ បានដាក់គោលដៅត្រួតពិនិត្យចរាចរណ៍នៅចំណុចកើតហេតុខាងលើ ឃើញជនសង្ស័យកំពុងជិះម៉ូតូ គ្មានស្លាកលេខ មកដល់គោលដៅត្រួតពិនិត្យ ដោយមានការសង្ស័យកម្លាំងយើងបាន ឃាត់ម៉ូតូនិងជនសង្ស័យឲ្យឈប់ត្រួតពិនិត្យលើដងខ្លួន រួចកម្លាំងសមត្ថកិច្ចនាំខ្លួនជនសង្ស័យយកមកធ្វើសាកសួរ និងធ្វើតេស្តរកសារធាតុញៀនក្នុងទឹកនោមនៅអធិការដ្ឋាននគរបាលខណ្ឌសែនសុខ។ បច្ចុប្បន្ន ៖ ជនសង្ស័យកំពុងឃាត់ខ្លួន នៅអធិការដ្ឋាននគរបាលខណ្ឌសែនសុខ ដើម្បីអនុវត្តតាមនិតិវិធី ៕
ចំនួនអ្នកទស្សនា
- ថ្ងៃនេះ6661
- ម្សិលមិញ9421
- សប្តាហ៍នេះ62321
- ខែនេះ177471
- ឆ្នាំនេះ177471
- សរុប20619927